Bakı metrosunda problem yaranıb

  19 Sentyabr 2018    Oxunub : 1621
Bakı metrosunda problem yaranıb
Bakı metrosunda qatarların hərəkətində problem yaranıb.

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov bildirib ki, bu gün saat 19:30 radələrində "İçəri Şəhər" - "Həzi Aslanov" marşrutu üzrə hərəkətdə olan qatar "28 May" stansiyasına daxil olarkən texniki problem yaranıb.
Maşinist qatarda vəziyyəti qiymətləndirmək üçün stansiyada 7 dəqiqə gözləməli olub. Nəticədə "Dərnəgül"-"Həzi Aslanov" istiqamətində hərəkətdə olan digər qatar "Nizami" stansiyası ilə "28 May" stansiyası arasındakı tuneldə 3 dəqiqə gözləməli olub. Problem yaranan qatar "Nəriman Nərimanov" stansiyasından depoya göndərilib.

Problem qısa müddətdə aradan qaldırılıb. Qatarların hərəkəti qrafik üzrə davam edir.

AzVision.az

Teqlər: Metro   Qatar