Birincilər Dövlət Komitəsinə ekskursiya etdilər

  22 Sentyabr 2018    Oxunub : 1583
Birincilər Dövlət Komitəsinə ekskursiya etdilər
Diasporla İş üzrə Dövlət Komitəsi əməkdaşlarının bu il ilk dəfə orta məktəbə gedən övladları üçün Dövlət Komitəsinə ekskursiya təşkil olunub.
Komitədən AzVision.az-a verilən xəbərə görə, valideynləri ilə birgə işə gələn balacalar onların iş otağı, kollektiv və rəhbərliklə tanış olub. Balacalar Dövlət Komitəsinin binasını gəzib, ayrı-ayrı strukturların iş şəraitini izləyib, onlara Komitənin fəaliyyəti barədə informasiya verilib.

Daha sonra birincilər Dövlət Komitəsinin sədri ilə görüşüb. Balacaları məktəb həyatına başlamaları münasibətilə təbrik edən Komitə rəhbərliyi onlara gələcək həyatlarında və təhsildə uğurlar arzulayıb. Sonda uşaqlara hədiyyələr təqdim edilib və xatirə şəkli çəkilib.

AzVision.az

Teqlər: Diasporla-İş-üzrə-Dövlət-Komitəsi