Yeni “Vaşaq” snayperləri təqdim olundu
AzVision.az xəbər verir ki, yeni “Vaşaq” snayperi “ADEX 2018” sərgisində nümayiş etdirilib. “Vaşaq” bikalibr snayper tüfəngidir. Yəni zərbə mexanzmini və lüləsini dəyişməklə ondan iki fərqli kalibrdə patronla – .338 Lapua Magnum və 308 Win (8.6×70) patronlardan atəş açmaq imkanı mövcuddur.
Snayper tüfəngi üzərindəki pikatini tamasaları vasitəsi ilə müxtəlif optik nişangahlarla komplektləşdirilə bilir. Silah qatlanan və hündürlüyü tənzimlənən qundağa, ön hissədə ayağa sahibdir. Snayper tüfəngi tək-tək doldurma (bolt action) iş prinsipi ilə işləyir.
Qeyd edək ki, "Vaşaq” snayper tüfənginin nümunəsi ilk dəfə ADEX-2016 beynəlxalq müdafiə sərgisində nümayişə çıxarılıb. Bu zaman silahın .338 Lapua Magnum və 308 Win (7.62×51) patronlardan atəş açmaq imkanı mövcud idi.
Elvin Abdulqədirov
AzVision.az