Binədə qəzaya düşən 10 nəfər hələ də xəstəxanadadır

  09 Oktyabr 2018    Oxunub : 328
Binədə qəzaya düşən 10 nəfər hələ də xəstəxanadadır
Bakıda 160 saylı marşrut avtobusunun qatarla toqquşması nəticəsində xəsarət alanlardan 10 nəfərin müalicəsi davam edir.
Səhiyyə Nazirliyinin mətbuat xidmətinin mütəxəssisi Səfayə Əhmədova AzVision.az-a bildirib ki, hazırda 3 saylı Şəhər Klinik Xəstəxanasında 8 nəfər qalıb:

“Onlardan biri reanimasiyadadır. Elmi Tədqiqat Travmatologiya İnstitutunda isə hazırda bir nəfər müalicə olunur. Onun səhhəti qaydasındadır. Ağır vəziyyətdə Kliniki Tibbi Mərkəzə yerləşdirilən 1983-cü il təvəllüdlü Aygün Babayevanın vəziyyəti həkimlərin səyi nəticəsində yaxşılaşmağa doğru gedir”.

Qeyd edək ki, oktyabrın 1-də 160 nömrəli marşrut xətti üzrə hərəkət edən avtobusun qatarla toqquşması nəticəsində 2 nəfər dünyasını dəyişib, 40 nəfər isə xəstəxanalara yerləşdirilib. Xəsarət alanlardan 5-i azyaşlıdır.

Aytən Zəhra
AzVision.az

Teqlər: Qəza   Səhiyyə-Nazirliyi   Binə   Yaralı