"Azərenerji"də yeni təyinatlar olub

  20 Oktyabr 2018    Oxunub : 476
"Azərenerji"də yeni təyinatlar olub
"Azərenerji" ASC-də iki yeni təyinat olub.
Azvision.az "Report"-a istinadən xəbər verir ki, Ziyəddin Misir oğlu Quliyev qurumun vitse-prezidentinin müavini təyin edilib. Hazırda Z.Quliyev "Azərenerji"nin vitse-prezidentinin səlahiyyətlərini icra edir.

Bundan başqa, "Azərişıq" ASC-nin Tədris Mərkəzinin direktoru Vüqar Əliyev "Azərenerji" prezidentinin müşaviri təyin olunub.

Qeyd edək ki, Z.Quliyev bu vaxta qədər "Azərişıq" ASC-nin Texniki Departamentin direktoru vəzifəsində çalışıb. Azərbaycan Prezidenti İlham Əliyev 2011-ci ildə ona "Əməkdar mühəndis" fəxri adı verib.

Xatırladaq ki, 2005-ci ilin oktyabr ayından "Azərenerji"nin vitse-prezidenti Marlen Əsgərov idi. O, bu il sentyabrın 17-də ürək çatışmazlığından vəfat edib.

Prezident İlham Əliyevin bu il sentyabrın 4-də imzaladığı sərəncamla Balababa Rzayev "Azərenerji"nin prezidenti təyin edilib.

Azvision.az

Teqlər: Azerenerji