10 mindən artıq ahıl və əlilə xidmət göstərilir

10 mindən artıq ahıl və əlilə xidmət göstərilir
  24 Oktyabr 2018    Oxunub:1403
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun sosial xidmət müəssisələrinin sosial işçiləri tərəfindən hazırda 10784 nəfər tənha ahıl və əlilliyi olan şəxsə evlərində sosial-məişət xidməti göstərilir.
Nazirlikdən Azvision.az-a verilən məlumata görə, onlardan 78 faizi yaşı 70-dən çox olan, yəni ahıl şəxslər, qalanları isə əlilliyi olan insanlardır. Həmçinin evlərində sosial-məişət xidməti göstərilənlərin 80 fazidən çoxu qadınlardır.

Daimi olaraq əmək qabiliyyətli qohumları və ya qanuni nümayəndələri ilə eyni yaşayış məntəqəsində yaşamayan və sosial xidmətə ehtiyacı olan tənha ahıllara, ahıl ər-arvadlara, əlilliyi olan şəxslərə sosial işçilər tərəfindən evdə (səyyar) sosial xidmətin göstərilməsi təmin edilir. Sosial işçilər həftədə azı iki dəfə tənha ahıl və əlil şəxslərin evlərində olur, onlara ev təsərrüfatında təmizlik işlərinin aparılması, əsas tələbat mallarının alınması və s. işlərdə köməklik göstərirlər.

Azvision.az


Teqlər: Ahıl  





Xəbər lenti