“Biz doğrudan da vahid komanda kimi çalışırdıq” - Mehriban Əliyeva

 “Biz doğrudan da vahid komanda kimi çalışırdıq” -  Mehriban Əliyeva
  06 Noyabr 2018    Oxunub:1696
"Muğam nadir sənətdir və Azərbaycanın ən böyük sərvətlərindən biridir"
Azvision.az xəbər verir ki, bunu Azərbaycanın birinci xanımı, Heydər Əliyev Fondunun prezidenti Mehriban Əliyeva Ağdam Muğam Mərkəzi ilə tanışlıqdan sonra rayon ictimaiyyətinin nümayəndələri və incəsənət xadimləri ilə görüşündə deyib.

Birinci xanım çıxışında bildirib: "Bu gün biz muğam sənətinin inkişafı üçün atılan addımlar haqqında danışdıq. Yəqin ki, siz xatırlayırsınız, Heydər Əliyev Fondunda biz ilk dəfə bərabər toplaşdıq və bu proqramları, gələcək planlarımızı birgə müzakirə etdik və sonra həyata keçirməyə başladıq. Mən sizin hər birinizə dərin minnətdarlığımı bildirmək istəyirəm. Çünki bütün bu nailiyyətlər bizim birgə fəaliyyətimiz nəticəsində mümkün olub. Biz doğrudan da vahid bir komanda kimi çalışırdıq və hər bir yeni ideyanı müzakirə edirdik, fikirləşirdik ki, müsabiqələri necə keçirək, növbəti addım hansı olsun. Bu gün qeyd etdiyimiz bütün bu addımlar yalnız və yalnız sizin dəstəyinizlə, iştirakınızla mümkün olub. Mən buna görə sizə dərin minnətdarlığımı bildirirəm".

Azvision.az


Teqlər: Mehriban-Əliyeva  





Xəbər lenti