Energetika Nazirliyinə 1678 müraciət daxil olub
Elektrik enerjisi təchizatı üzrə qəbul edilmiş 792 müraciətin 295-i elektrik sayğaclarının quraşdırılması və ödənişlərin hesablanmasında çətinliklərin yaranması, 105-i enerji təchizatı şəbəkəsinə qoşulmaya görə texniki şərtlərin verilməsi, 110-u enerji təchizatında yaranmış fasilələr, 282-si isə elektrik enerjisinin verilişində yaranan digər çatışmazlıqlarla bağlı olub.
On ay ərzində nazirlikdə istehlakçıların qaz təchizatı ilə bağlı 483 müraciət qeydə alınıb. Bunlardan 57-si qaz xəttinə qoşulma, 67-si qazın verilişində yaranmış fasilələr, 256-sı sayğaclarının quraşdırılması və izafi borcun yaranması, 103-ü isə qaz təchizatında yaranmış digər problemlərə aid olub.
Bu dövr ərzində istehlakçılar tərəfindən nazirliyə ünvanlanan müraciətlərdən 1110-u nazirlik və Enerji Məsələlərini Tənzimləmə Agentliyi tərəfindən araşdırılaraq cavablandırılıb, 37 müraciət mahiyyəti üzrə təhlil edilərək müvafiq tədbirlər görülməsi üçün aidiyyəti qurumlara göndərilib.
Energetika Nazirliyinə daxil olan bütün ərizə və müraciətlər “Vətəndaşların müraciətləri haqqında” Azərbaycan Respublikasının Qanununa, elektrik enerjisindən və qazdan istifadə qaydalarına, elektroenergetika və qaz təchizatı haqqında mövcud qanunvericiliyə uyğun olaraq icra edilib.
Azvision.az
Teqlər: Energetika-Nazirliyi