Nazirlik qoyun məsələsinə aydınlıq gətirdi
Bildirib ki, özünüməşğulluq proqramı çərçivəsində proqram iştirakçılarına mal və materiallar təqdim edilərkən bu proses aktla rəsmiləşdirilir. Proqram iştirakçısına seçim imkanı verilir, verilən mal-qara ilə bağlı onun rəyi, məmnunluğu mütləq şəkildə nəzərə alınır. Təqdim olunan mal və materiallardan, o cümlədən mal-qaradan proqram iştirakçısı məmnun olduğu halda həmin aktı imzalayaraq qəbul edir.
"Əgər təqdim edilən mal-qara onu qane etmirsə, o zaman onları qəbul etməyərək aktı da imzalamaya bilər. Belə olan halda həmin şəxsə yenidən mal və materialar, o cümlədən mal-qara təqdim edilir.
Özünüməşğulluq proqramı iştirakçısı olan Ariz Dəmirova da oktyabrın 28-də kiçik təsərrüfatını yaratmaq üçün qoyunlar verilərkən həmin vaxt o, verilən mal-qaradan məmnun olduğunu, onu qane etdiyini bildirib, mal və materialları qəbul etdiyinə dair aktı imzalayıb. Hətta ona veriləcək heyvanları da özü seçib.
Belə olan halda Ariz Dəmirovun mal-qara veriləndən üç həftə vaxt ötdükdən sonra şikayət edərək verilmiş mal-qaradan narazılığını bildirməsi əsaslı ola bilməz və reallığı əks etdirmir".
Azvision.az