Azvision.az xəbər verir ki, tədbirdə dövlət qurumlarının, diplomatik korpusun, beynəlxalq təşkilatların nümayəndələri, şirkət rəhbərləri iştirak ediblər. Konsorsium tərəfindən ötən dövr ərzində görülmüş işlərə, yerli və beynəlxalq istiqamətdə həyata keçirilmiş əməkdaşlığa dair məlumat verilib.



Tədbirdə Azərbaycan İnnovasiyaların İxracı Konsorsiumu ilə Sahibkarlar Təşkilatlari Milli Konfederasiyası, ADA Universiteti və AMCHAM Azərbaycan arasında Anlaşma Memorandumları imzalanıb. Sonda Konsorsium tərəfdaşları mükafatlandırılıblar və üzvlərə sertifikatlar təqdim olunub.



Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşəbbüsü ilə yaradılmış Azərbaycan İnnovasiyaların İxracı Konsorsiumu beynəlxalq reytinqlərdə ölkəmizin mövqeyinin daha da yaxşılaşması, intellektual, innovativ və rəqabətqabiliyyətli potensialın formalaşdırılması istiqamətində fəaliyyət göstərir.



AZİNNEX Azərbaycan brendi olan “ASAN xidmət” modelinin intellektual məhsul kimi digər ölkərə ixrac olunmasında birbaşa iştirak edir. “ASAN xidmət” modeli ilə yanaşı AZİNNEX, həmçinin yerli şirkətlərə məxsus müxtəlif İT məhsul və xidmətləri ixrac etmək üçün bir platformadır.



Konsorsium informasiya kommunikasiya texnologiyaları sahəsində fəaliyyət göstərən şirkətləri bir araya toplayaraq onların mənafelərinin qorumasını və beynəlxalq bazarda təmsil olunmasını, onların İT məhsullarının satışını həyata keçirir.



AZİNNEX fəaliyyəti çərçivəsində beynəlxalq əlaqələrin qurulması və qlobal bazarın araşdırılması istiqamətində müxtəlif qitələrdən olan ölkələrin yüksək ranqlı nümayəndələri ilə görüşlər keçirib, Azərbaycanın innovativ məhsulları təqdim edilib, əməkdaşlıq istiqamətləri müzakirə olunub.




Anar Kəlbiyev
Foto: Şahin Sərdərov
Azvision.az