Bakıda müəllimlə şagird arasında dava - VİDEO

  05 Dekabr 2018    Oxunub : 6565
 Bakıda müəllimlə şagird arasında dava - VİDEO
Bakıda peşə liseylərinin birində müəllimlə şagird mübahisə edib. Həmin anların görüntüsü dərsdə olan digər şagirdlərin biri tərəfindən çəkilib.
Kadrlar 12 nömrəli Bakı Peşə Liseyndə lentə alınıb. Hadisə peşə liseyndə 307 nömrəli qrupda təhsil alan şagird Elvin Xəlilov ilə liseyn istehsalat-təlim ustası Oktay Allahverdiyev arasında yaşanıb. Səbəb sinifdə uşaqların səs salması olub.

Elvin Xəlilov iddia edir ki, mübahisə zamanı Oktay Allahverdiyev hətta onu vurub. Oktay Allahverdiyev isə bildirib ki, dərs başlayan kimi şagirdlər səs salmağa başlayıb. Bundan sonra şagirdə yaxınlaşaraq səs salmamasını istəyib. Ancaq onu vurmayıb.

Məsələ ilə bağlı Liseyn Tərbiyə işləri üzrə direktor müavini Səməd Nəbiyev isə söyləyib ki, məlum videodakı hadisədən bu günə qədər ümumiyyətlə məlumatsız olublar. Direktor müavini onu da bildirib ki, həmin qrup liseyin problemli qurupu hesab olunur. Orada oxuyan şagirdlərin dərs zamanı nizam-intizam qaydalarını pozmaları haqda bir neçə dəfə aidiyyatı qurumlara məlumat verilib.

Qeyd edək ki, videogörüntünün oktyabr ayının sonunda çəkildiyi bildirilir. (Xəzər TV)



Azvision.az

Teqlər: Məktəb   Müəllim   Şagird