Fermada yaşayan məcburi köçkünün problemi araşdırıldı

  06 Dekabr 2018    Oxunub : 688
 Fermada yaşayan məcburi köçkünün problemi araşdırıldı
Laçın rayonu Qorçu kəndindən məcburi köçkün, Bərdə rayon Xəsili kəndində Quşçuluq fermasında məskunlaşmış Şahverdiyev İnşallah Fətullah oğlunun yaşayış şəraitinin olmaması və ünvanlı dövlət sosial yardımı ilə əlaqədar sosial şəbəkə vasitəsilə müraciəti ilə bağlı Əmək və Əhalinin Sosial Müdafiəsi Nazilriyinin əməkdaşları tərəfindən araşdırma aparılıb.
Nazirlikdən Azvision.az-a verilən məlumata görə, vətəndaşın ailəsi altı nəfərdən ibarətdir: "Ailə üzvlərindən iki nəfəri II qrup əlilliyi olan şəxs, digər iki üzvü isə əmək qabiliyyətli olsa da heç bir yerdə işləmirlər. Bu səbəbdən ünvanlı dövlət sosial yardımı ala bilmirlər. Bununla bağlı vətəndaşa qanunvericilik ətraflı izah edilib".



İ.Şahverdiyev həmçinin bildirib ki, sayğacı olmadığı üçün elektrik enerjisindən istifadə edə bilmirlər. Vətəndaşın mənzilinin sayğac və elektirik enerjisi ilə təmin edilməsi üçün aidiyyəti qurumla danışıqlar aparılıb. Dekabrın 4-də sayğacın quraşdırılması və elektriklə təmin olunması həyata keçirilib. Eyni zamanda ailənin əmək qabiliyyətli üzvlərinin işlə təmin edilməsi, özünüməşğulluq proqramına qoşulması üçün müvafiq işlər aparılır. İ.Şahverdiyev bu proqrama qoşulmaqla yaxın vaxtlarda təlimlərdə iştirak edəcək.

Azvision.az

Teqlər: ƏƏSMN