Vaşinqtonda Parlamentin 100 illiyi qeyd edilib - FOTOLAR

  08 Dekabr 2018    Oxunub : 1144
 Vaşinqtonda Parlamentin 100 illiyi qeyd edilib - FOTOLAR
ABŞ-ın paytaxtında məşhur Hərbi Dəniz Qüvvələrinin Mərkəzində Azərbaycan Parlamentinin 100-ci ildönümü ilə əlaqədar ziyafət təşkil edilib və bu münasibətlə “Əbədi Ezamiyyət” sənədli filminin təqdimatı keçirilib.
Azərbaycanın ABŞ-dakı səfirliyindən Azvision.az-a verilən məlumata görə, ziyafətdə 250 nəfərdən çox ABŞ-ın dövlət qurumları, Vaşinqtondakı diplomatik korpus, ictimai-siyasi xadimlər və Azərbaycan diasporunun nümayəndələri iştirak edib. Ziyafət Azərbaycanın ABŞ-dakı Səfirliyi tərəfindən Azərbaycan Xalq Cümhuriyyətinin 100-cü ildönümü ilə əlaqədər silsilə tədbirlər çərçivəsində keçirilib.

Tədbirdə çıxış edən Azərbaycanın ABŞ-dakı səfiri Elin Süleymanov Azərbaycan Xalq Cümhuriyyətinin müsəlman şərqində ilk demokratik respublika olduğunu, həmin respublikanın bir çox sahələrdə, o cümlədən diplomatik uğurlar əldə etdiyini xatırladıb. Bu xüsusda, AXC Parlamentinin sədri, böyük ziyalı Əlimərdan bəy Topçubaşovun rəhbərlik etdiyi nümayəndə heyətinin Paris Sülh Konfransında fəaliyyətindən danışan səfir çətin şəraitə rəğmən Azərbaycanın de fakto müstəqilliyinin Müttəfiq dövlətlərin Şurası tərəfindən tanınmasına nail olduğunu vurğulayıb.

Paris Sülh Konfransında Azərbaycan nümayəndə heyətinin uğurları barədə danışan səfir 29 may 1919-cu ildə həmin heyətin ABŞ prezidenti V.Vilsonun görüşdüyünü və sonradan V.Vilsonun onlar barədə çox yüksək fikirlər söylədiyini xatırladıb. Sonra da Ə.Topçubaşov və digər heyət üzvlərinin Azərbaycanın müstəqilliyi naminə həyatlarının sonunadək çalışdıqlarını bildirdi.

Səfir xatırladıb ki, Azərbaycan öz müstəqilliyini qazandıqdan sonra Fransaya ilk dəfə rəsmi səfərə gedən Ümummilli lider Heydər Əliyev Ə.Topçubaşov və digərlərinin məzarını ziyarət etmiş, onların məzarlarının abadlaşdırılmasına xüsusi diqqət ayrılmış və hazırda da dövlətimiz Azərbaycan uğrunda həyatlarının sonunadək çalışmış bu dövlət xadimlərinin xatirəsini uca tutur. Səfir vurğuladı ki, Ümummilli lider Heydər ƏliyevPrezident İlham Əliyev Azərbaycanın müstəqil dövlətçilik ideallarını layiqincə yaşatmaqdadır.

Səfir həmçinin qeyd etdi ki, 1991-ci ildə Azərbaycan öz müstəqilliyini bərpa edəndən sonra onun ABŞ tərəfindən tanınması və diplomatik münasibətlər qurması bu günlərdə vəfat etmiş ABŞ-ın 41-ci prezidenti Corc Herbert Buşun rəhbərliyi dövründə baş vermişdir.

Sənədli filmin ərsəyə gətirən bütün heyətə təşəkkürünü bildirən səfir əsərin baş prodüseri Arzu Əliyevaya, filmi hazırlayan Bakı Media Mərkəzinə və göstərdiyi dəstəyə görə Heydər Əliyev Fonduna və onun rəhbəri Mehriban Əliyevaya öz xüsusi minnətdarlığını ifadə etdi.

Daha sonra ABŞ Konqresində beynəlxalq konfransda iştirak üçün Vaşinqtonda səfərdə olan Azərbaycan Milli Məclisinin üzvü, Beynəlxalq münasibətlər və parlamentlərarası komitəsinin sədri və Azərbaycan-ABŞ Dostluq Qrupunun rəhbəri Səməd Seyidov çıxış etdi. O, hər bir xalq kimi Azərbaycan xalqının da arzularının olduğunu və müstəqil dövlət qurmaqla bir arzuların bir qisminə nail olunduğunu bildidirdi. Azərbaycanın müstəqil inkişaf yolu ilə getdiyini söyləyən S.Seyidov Azərbaycan-ABŞ münasibətlərinin vacibliyinə toxundu, bu iki ölkə arasında mövcud strateji tərəfdaşlığın əhəmiyyətini qeyd etdi. O, Milli Məclisin üzvü olaraq Azərbaycan Parlamentinin 100-cü ildönümünü ABŞ-da qeyd etdiyini fəxrlə qey etdi.

Bundan sonra qonaqlara “Əbədi Ezamiyyət” filmi nümayiş etdirildi.










Azvision.az

Teqlər: ABŞ   Vaşinqton   AXC-100   Parlament