Türkiyə ABŞ-a qarşı məhkəməni uddu
“Türkiyə 18 dekabrda Ümumdünya Ticarət Təşkilatında ABŞ-a qarşı məhkəmə prosesini udub. İşə Ümumdünya Ticarət Təşkilatı sistemindəki mübahisələrin nizamlanması mexanizmi çərçivəsində baxılıb” – Pekcan Anadolu agentliyinə bildirib.
Türkiyəli nazir onu da əlavə edib ki, Ümumdünya Ticarət Təşkilatında polad və alüminiumla ticarət sahəsində böyük işlər görülüb.
Xatırladaq ki, avqustun 10-dan etibarən ABŞ prezidenti Donald Tramp Türkiyədən idxal olunan polad və alüminiuma müvafiq olaraq 50% və 20%-lik gömrük rüsümu tətbiq edib. Trampın bu qərarı nəticəsində türk lirəsi dollar qarşısında rekord tarixi enişini yaşayaraq 40 faiz ucuzlaşıb. Ankara da cavabında ABŞ-dan idxal olunan 22 adda məhsula 533 milyon dollar həcmində əlavə tariflər tətbiq edib.
Leyla Elbrusqızı
Azvision.az