Onun sözlərinə görə, cinsi yetkinlik yaşlarında qızlarda oğlanlara nisbətən dağınıq sklerozla bağlı risk 2-3 dəfə artıq olur: "Bu xəstəliyə daha çox gənc yaşlarda, 3-5 faiz halda uşaq yaşlarında təsadüf edilir. Uşaqlarda xəstəlik daha kəskin və aqressiv başlayır. Lakin böyüklərə nisbətən remissiyaya daha tez çatırlar. Belə ki, uşaqlarda xəstəliyin kəskinləşmə dövrü 4 həftəyə kimi ola bilirsə, böyüklərdə bu müddət 8 həftəyə qədər arta bilər".

R.Şirəliyeva qeyd edib ki, uşaqlar böyüklərə nisbətdə orta və ağır əlilliyə daha tez məruz qalırlar: "Dağınıq skleroz daim diqqət mərkəzindədir və ciddi diaqnostik çətinliklərlə qarşılanır: Dünyada il ərzində 110 xəstədə dağınıq skleroz aşkarlanır ki, onlara lazım olmayan dərmanlar verilir. Bu da xəstəliyi düzgün müalicə etməsinə maneədir. Siqaret çəkmək və vitamin C çatışmazlığı yüksək risk faktoru kimi qiymətləndirilir. Qəbul edilən dərmanlar əsasən xəstəliyin gedişinə təsir edir və ağırlaşma, eləcə də kəskinləşmənin qarşısını ala bilir".

Aytən Zəhra
Azvision.az