Braziliyanın yeni səfiri Bakıdadır

  24 Dekabr 2018    Oxunub : 1108
Braziliyanın yeni səfiri Bakıdadır
Xarici işlər naziri Elmar Məmmədyarov Braziliya Federativ Respublikasının Azərbaycan Respublikasında yeni təyin olunan səfiri Manuel Adalberto Karlos Monteneqro Lopes da Kruz ilə görüşüb.
Xarici İşlər Nazirliyinin mətbuat xidmətindən Azvision.az -a verilən məlumata görə, görüşdə tərəflər iki ölkə arasındakı münasibətlərin hazırkı durumunu yüksək qiymətləndiriblər, eyni zamanda, əlaqələrin daha da inkişafı üçün böyük potensialın mövcud olduğunu qeyd ediblər.

Tərəflər Azərbaycan və Braziliya arasında yüksək səviyyəli qarşılıqlı səfər mübadiləsinin ikitərəfli əməkdaşlığın daha da irəli aparılması baxımından vacibliyini bildiriblər.

Səfir Manuel Adalberto Karlos Monteneqro Lopes da Kruz etimadnaməsinin surətini nazir Elmar Məmmədyarova təqdim edib.

Nazir Elmar Məmmədyarov Braziliyanın yeni təyin olunmuş səfirinə diplomatik fəaliyyətində uğurlar arzulayıb.

Azvision.az

Teqlər: XİN