“Azərenerji” ASC-də kadr dəyişikliyi

  03 Yanvar 2019    Oxunub : 2616
 “Azərenerji” ASC-də kadr dəyişikliyi
“Azərenerji” ASC-nin İctimaiyyətlə əlaqələr və mətbuat xidməti ilə dövri nəşrlər şöbəsi ləğv edilərək yerində İctimaiyyətlə əlaqələr və mətbuat mərkəzi yaradılıb.

Azvision.az xəbər verir ki, ləğv edilən ictimaiyyətlə əlaqələr və mətbuat xidmətinin rəhbəri Yahya Babanlıya müvafiq iş təklif edilsə də, o öz ərizəsi ilə “Azərenerji” ASC-dən ayrılıb.
“Azərenerji” ASC-nin İctimaiyyətlə əlaqələr və mətbuat mərkəzinin rəisi isə Teymur Abdullayev təyin olunub.



Qeyd edək ki, Teymur Abdullayev uzun müddət müxtəlif qəzet və televiziyalarda, o cümlədən Müdafiə Nazirliyinin mətbuat xidmətində işləyib. Yeni vəzifəyə təyin edilməzdən əvvəl isə “Azərişıq” ASC-nin “ASAN Xidmətlə” iş şöbəsinin rəis müavini vəzifəsində çalışıb.

Azvision.az

Teqlər: Azərenerji   Mətbuat