Azərbaycan sülhməramlıları bu ay Cənubi Sudana yollanacaq

  10 Yanvar 2019    Oxunub : 1182
 Azərbaycan sülhməramlıları bu ay Cənubi Sudana yollanacaq
Bu ay Azərbaycan Cənubi Sudana sülhməramlı göndərəcək.

Azvision.az xəbər verir ki, hərbi qulluqçularımızın yanvar ayının sonunadək Cənubi Sudanın paytaxtı Cuba şəhərinə ezam olunması nəzərdə tutulub. 4 nəfərlik heyət BMT sülhməramlıları missiyası tərkibində olacaq. Onlardan 3-ü zabit, 1-i isə müşahidəçi qismində təmsil olunacaq.
Qeyd edək ki, ötən il noyabrın 30-da Milli Məclisin plenar icasında “Azərbaycan Ordusunun 4 nəfərdən ibarət hərbi heyətinin "qərargah zabit" və "hərbi müşahidəçi" qismində BMT-nin komandanlığı altında Cənubi Sudan Respublikasında yerləşdirilməsinə və missiyada iştirak etməsinə razılıq verilməsi haqqında” qanun layihəsi qəbul olunub.

Anar Kəlbiyev
Azvision.az

Teqlər: Cənubi-Sudan   Sülhməramlı