Həqiqi hərbi xidmətə çağırış davam edir - FOTOLAR
Xətai rayon icra hakimiyyəti başçısının birinci müavini Rafiq Quluyev, gəncləri hərbi xidmətə yola salan ictimaiyyətin nümayəndələri, ziyalılar, valideynlər, müharibə veteranları vətəni qorumaq kimi müqəddəs bir borcun yerinə yetirilməsində çağırışçılara dəyanətli, əzmkar olmalarını, komandirlərin əmrlərini yerinə yetirmələrini tövsiyə edib, hərbi xidməti şərəflə bitirmələrini diləyiblər.
Tərtərdə keçirilən çağırışçıların həqiqi hərbi xidmətə yola salınması mərasimində SHXÇDX-nin rayon şöbəsinin rəisi, polkovnik-leytenant Elşən Abdullayev sürətlə inkişaf edən ölkəmizin ordu quruculuğunda qazanılan uğurlarından, Azərbaycan əsgərinin mərdlik və şücaətindən söz açıb. Rayon icra hakimiyyəti başçısının birinci müavini Ramiz Şabanov və digər çıxış edənlər gənclərə torpaqlarımızın keşiyində ayıq-sayıq dayanmağı, hərb işinin sirlərinə mükəmməl yiyələnməyi tövsiyə ediblər.
Hərbi xidmətə yola düşən gənclərə Vətən qarşısında müqəddəs borclarını layiqincə yerinə yetirməyi arzulayıblar. Hərbi xidmətə yola düşən gənclər adından çıxış edənlər Vətən və xalqımız qarşısında xidməti borclarını şərəflə yerinə yetirəcəklərini, torpaqlarımızın azad edilməsi naminə hər an hazır olacaqlarını söyləyiblər.
Azvision.az
Teqlər: SHXÇDX