“Ailəm üçün reseptsiz antibiotik ala bilmədim” - Əhliman Əmiraslanov

 “Ailəm üçün reseptsiz antibiotik ala bilmədim” -  Əhliman Əmiraslanov
  18 Yanvar 2019    Oxunub:2503
“Azərbaycandan başqa antibiotiklərin reseptsiz satıldığı ikinci ölkə tanımıram. Dünya reseptsiz antibiotik almaq mümkün deyil. Avropada olan zaman ailə üzvlərimdən birinə antibiotik lazım idi, nə qədər etdimsə, ala bilmədim. Bazar gününə təsadüf edirdi deyə, həftənin birinci gününü gözlədik ki, gedək resept alaq. Antibiotiklərlə belə davranmaq son dərəcə təhlükəlidir”
Azvision.az xəbər verir ki, bunu Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov deyib.

Komitə sədri bildirib ki, antibiotiki lazım oldu-olmadı istifadə etmək təhlükəlidir: “Tibb sahəsi ilə bağlı çıxan məqalələrə diqqət etsəniz, görərsiniz ki, antibiotiklərin, hətta insanların genetik aparatına təsir edərək müəyyən mutasiyalar yaratması barədə məlumatlar var”.

Ə.Əmiraslanov qeyd edib ki, bununla yanaşı, satılan antibiotiklərin tərkibinə də ciddi nəzarət etmək lazımdır.

Anar Kəlbiyev
Azvision.az



Teqlər: Əhliman-Əmiraslanov  





Xəbər lenti