İlham Əliyev bu gün Davosda çıxış edəcək
“Bir kəmər, bir yol” təşəbbüsü çərçivəsində Çin yaxın onillikdə Cənub-Şərqi Asiya, Cənubi Asiya və Mərkəzi Asiyanın infrastrukturuna 1,5 trilyon dollar investisiya qoyacaq. Biznes və hökumətlərin bununla əlaqəli siyasi və iqtisadi risklərin öhdəsindən necə gələcəkləri, həmçinin, inkişaf və iqtisadi artımın mühərriki kimi bəşəriyyət tarixindəki ən ambisiyalı infrastruktur layihələrinin uğur qazanmasını necə təmin etmək kimi suallara da bu paneldə cavab axtarılacaq.
Qeyd edək ki, bu ilki Davos forumuna 110 ölkədən 3000-dən çox iştirakçı qatılacaq. Forumda 350-dən artıq paneldə müxtəlif məsələlər müzakirə olunacaq.
Azərbaycan prezidenti ilə yanaşı foruma 60-dan çox ölkənin rəhbəri, o cümlədən, Yaponiyanın Baş naziri Sindzo Abe, Almaniya kansleri Angela Merkel, Çin rəhbərinin müavini Van Tsişan, Braziliyanın yeni prezidenti Jair Bolsonaru, İtaliyanın baş naziri Cuzeppe Konte, İspaniyanın baş naziri Pedro Sançes, Əfqanıstanın prezidenti Əşrəf Qani, İraq prezidenti Barxam Saleh, Ermənistanın baş naziri Nikol Paşinyan və digərləri qatılacaq. Həmçinin BMT və onun təşkilatlarının, Beynəlxalq Valyuta Fondu, NATO, Ümumdünya Bankı, Ümumdünya Ticarət Təşkilatı kimi iri beynəlxalq təşkilatların rəhbərlərinin iştirakı gözlənilir.
Leyla Elbrusqızı
Azvision.az
Teqlər: İlham-Əliyev Prezident Davos