Rusiyadan Venesuelaya görə ABŞ-a xəbərdarlıq
Azvision.az xəbər verir ki, bunu Rusiya xarici işlər nazirinin müavini Sergey Ryabkov “Beynəlxalq həyat” jurnalına müsahibəsində deyib. Bildirib ki, ABŞ-ın Venesuelaya hərbi müdaxiləsi yolverilməzdir və bu, ən fəlakətli ssenari olardı.
Rusiyalı diplomat onu da əlavə edib ki, Moskva özünün strateji tərəfdaşı olan Venesuelanı bundan sonra da dəstəkləməyə davam edəcək və digər dövlətlərin qəsdlərinə qarşı Venesuelanın suverenliyinin keşiyində duracaq:
“Venesueladakı vəziyyətin inkişafını müşahidə edərkən görürük ki, ABŞ da daxil olmaqla, konkret ölkələr qrupu müxtəlif növ bəhanələrlə bizə dost olan Venesuelaya qarşı təzyiqləri gücləndirmək üçün fərqli meydanlardan, o cümlədən, Amerika Dövlətləri Təşkilatından istifadəyə cəhd edirlər.”
Leyla Elbrusqızı
Azvision.az