“Özəl məktəblərdə təhsil haqları tənzimlənməlidir” - İsa Həbibbəyli

  24 Yanvar 2019    Oxunub : 1346
 “Özəl məktəblərdə təhsil haqları tənzimlənməlidir” - İsa Həbibbəyli
“Təhsil proqramlarının sadələşdirilməsi məsələsi aktualdır. Bu istiqamətdə hazırda Təhsil Nazirliyi tərəfindən iş aparılır. Bildiyimə görə, ilkin mərhələ artıq başa çatmaq üzrədir”.
Azvision.az xəbər verir ki, bunu Milli Məclisin Elm və təhsil komitəsinin bu gün keçirilən iclasında komitə sədri İsa Həbibbəyli deyib. Onun sözlərinə görə, müstəqilliyin əldə edildiyi illərdə bu sahədə müəyyən nöqsanlara yol verilib.

"Bu gün dərsliklərdəki mürəkkəb texnologiyanın, şagirdlərin dünyagörüşünə uyğun gəlməyən formullar sadələşdirilməlidir. Bunu valideynlər də belə istəyir. Təhsil Nazirliyi də bu isiqamətdə iş aparır. Bildiyimə görə, ilkin mərhələdə proses başa çatmaq üzrədir. Biz bu məsələni Təhsil Nazilriyi ilə birgə parlamentdə müzakirə etmək istəyirik. Çünki biz ancaq bu istiqamətdə nazirliyin işinə töhvə verə bilərik”.

Komitə sədri qeyd edib ki, təhsildə ödəniş qiymətlərinin tənzimlənməsi məsələsi əmək bazarının təlabatına uyğun olaraq tələb və təklif əsasında sərbəst qaydada müəyyən olunmalıdır.

"Ancaq müəyyən tənzimləyici orqana ehtiyac var. Çünki bəzi şişirtmələr mövcuddur. Yeni bəndin salınmasını təklif edirəm. Belə ki, müvafiq icra hakimiyyəti orqanı bələdiyyə və özəl təhsil müəssisələrində təhsil haqlarının tənzimlənməsi üzrə müvafiq nəzarəti həyata keçirə bilər”.

Anar Kəlbiyev
Azvision.az

Teqlər: Elm   Təhsil