AQTA sədri: “Qiymətin yüksək olması fikri ilə razı deyiləm”

  29 Yanvar 2019    Oxunub : 1293
 AQTA sədri: “Qiymətin yüksək olması fikri ilə razı deyiləm”
"Məhsulların laboratoriyada yoxlanılması zamanı tələb olunan dövlət rüsumu yoxlama zamanı istifadə edilən inqridientlərin dəyərinə uyğun hesablanır. Burada qiymətin yüksək olması fikri ilə razı deyiləm"
Azvision.az xəbər verir ki, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli “Azərbaycan Respublikasının Regionlarının 2014-2018-ci illərdə Sosial-İqtisadi İnkişafı Dövlət Proqramı"nın icrasının yekunlarına həsr olunmuş konfransda çıxışı zamanı deyib.

Agentlik rəhbəri bildirib ki, AQTA yaradılana qədər aqrokimyəvi preparatların ekspertizası 10 manata həyata keçirilirdi.

"Lakin bir pestisitin ekspertizası üçün toksikoloji analizlərin maya dəyəri 170 manata başa gəlir. Hazırda həmin məhsulların ekspertizası dövlət tərəfindən qazanc məqsədilə həyata keçirilmir. Bu ekspertizanın aparılması üçün miniumum reaktivlərin maya dəyəri hesablanır. Sahibkarlar üçün təklif edilən rəqəmlər maya dəyərindən çox aşağıdır ki, qalan xərcləri dövlət özü təmin edir. Sahibkarlarımız qonşu ölkələrdə həmin ekspertizaların qiymətinin qat-qat baha olduğunu nəzərə almalıdır. Pambıq tarlasında zəhərlənmə zamanı pambıq, su və aqrokimyəvi preparatların ekspertizası üçün dövlət 100 minlərlə vəsait sərf etdi".

Aytən Zəhra
Azvision.az

Teqlər: AQTA