“Hazırda Azərbaycanda A(H1N1) virusu var” - ÜST rəsmisi
Azvision.az xəbər verir ki, bunu Ümumdünya Səhiyyə Təşkilatının (ÜST) Azərbaycandakı ofisinin rəhbəri Hande Harmancı deyib. Onun sözlərinə görə, qrip insanlarda müşahidə edilən İnfA (H1N1) pdm09 virusudur.
H.Harmancı qeyd edib ki, dünyada mövsümü qripi yaradan A(H1N1) və H3N2 viruslardır: "Bu il Gürcüstanda müşahidə edilən A(H1N1) virusudur. Mövsümü qrip geniş yayılıb və Azərbaycanda da müşahidə edilir. Viruslardan qorunmaq üçün gigiyenik qaydalara əməl emək, peyvəndlərdən istifadə etmək vacibdir. Əsasən də risk qrupuna daxil olan şəxslər - 6 aydan yuxarı, 5 yaşa qədər uşaqlar, xroniki xəstəlikləri olan insanlar, hamilə qadınlar, 65 yaşdan yuxarı insanlar, səhiyyə işçiləri peyvəndlərdən istifadə etməlidir".
Aytən Zəhra
Azvision.az
Teqlər: Qrip