“Bəzi ölkələr İran-Azərbaycan münasibətlərini qısqanır” - Səfir

  08 Fevral 2019    Oxunub : 1624
 “Bəzi ölkələr İran-Azərbaycan münasibətlərini qısqanır” - Səfir
"Azərbaycan-İran münasibətləri qızıl dövrünü yaşayır".

Azvision.az xəbər verir ki, bunu İranın Azərbaycandakı səfiri Cavad Cahangirzadə bildirib. Səfr qeyd edib ki, bəzi ölkələr İran-Azərbaycan münasibətlərinin hazırkı vəziyyətinə qısqanclıqla yanaşırlar:
"Bütün bunlara baxmayaraq, iki ölkə arasında münasibətlər yüksək səviyyədədir. Hazırda əlaqalərimiz bütün səviyyələrdə inkişaf edir. Təsadüfi deyil ki, iki ölkə prezidenti son 5 ildə 12 dəfə görüşüb. İrana iraqlılardan sonra ikinci ən çox səfər edən Azərbaycan vətəndaşlarıdır".

Səfir vurğulayıb ki, İran və Azərbaycanda möhkəm sabitlik hökm sürür: "Bu, çox sevindirici haldır. Amma hər iki ölkədə sabitliyə böyük zəhmət çəkilir".

İranlı diplomat əlavə edib ki, 2018-ci ildə iki ölkə arasında iqtisadi əlaqələr 73 faiz artıb: "Ticari əlaqələrin 5 milyard dollara çatdırılması planlaşdırılır".

Elvin Abdulqədirov
Azvision.az

Teqlər: İran   Səfir