Tramp növbəti seçkiyədək həbs ediləcək - İddia
Azvision.az xəbər verir ki, bunu ABŞ-dakı 2020-ci il seçkilərində prezidentliyə namizəd olacağını bildirən demokrat senator Elizabet Uorren deyib. Artıq seçki kampaniyiasına başlayan amerikalı xanım senator ilk günlərdən Trampı hədəf alaraq, onun irqçi mövqeyini tənqid atəşinə tutub.
Amerikalı senator Trampın Rusiya ilə gizli razılaşmaya getməsi iddiaları əsasında aparılan istintaqı xatırladaraq, xüsusilə vurğulayıb ki: “2020-ci ilə çatanda Donald Tramp artıq prezident vəzifəsini itirə bilər. Əslində, heç azad bir insan da olmaya bilər.”
Qeyd edək ki, Elizabet Uorren 2016-ci il prezident seçkilərində Hillari Klintonun təşviqat kampaniyası zamanı məşhurlaşan demokratlardan biri olmuşdu. Amerikanın aborigen sakinləri olan qızıldərililərin nəslindən gəldiyini iddia etdiyinə görə Donald Tramp Uorrenə “Pokahontas” ləqəbini vermişdi.
Leyla Elbrusqızı
Azvision.az
Teqlər: ABŞ