“Valideynin məktəbdə bir günü” - FOTO

  20 Fevral 2019    Oxunub : 1102
“Valideynin məktəbdə bir günü” - FOTO
Paytaxt məktəblərində “Valideynin məktəbdə bir günü” layihəsi çərçivəsində görüşlər keçirilir.
Bakı Şəhəri üzrə Təhsil İdarəsindən Azvision.az -a verilən məlumata görə, görüşlərdə valideynlər məktəb mühiti ilə tanış olur, onlara məktəbin fəaliyyəti, tədris prosesi barədə ətraflı məlumat verilir. Valideynlərin məktəb mühitinə töhfə verə biləcək rəyləri, təklifləri dinlənilir və tədris prosesinin təşkilinin daha da təkmilləşdirilməsi ətrafında səmərəli fikir mübadiləsi aparılır.



Bundan əlavə, Təlimə Dəstək Mərkəzinin metodistləri tərəfindən valideynlər üçün sessiyalar təşkil olunur. Valideynlərə təşəbbüskar və daha fəal olmaq, eləcə də müəllim-şagird-valideyn birliyinin əhəmiyyəti haqqında tövsiyələr verilir. Eyni zamanda, valideynlərin iştirakı ilə tədris prosesini izləmək üçün dərs müşahidələri də aparılır.



Qeyd edək ki, layihə valideynləri övladlarının təhsil aldıqları tədris ocaqları ilə daha yaxından tanış etmək, istər infrastruktur, istərsə də tədris prosesinin təşkili istiqamətində onları məlumatlandırmaq, valideynlərlə məktəb arasında ünsiyyət platformasını daha da genişləndirmək məqsədilə keçirilir.

Azvision.az

Teqlər: BŞTİ