Bakıda silahlı insident: 4 nəfər saxlanıldı

  04 Aprel 2019    Oxunub : 2078
 Bakıda silahlı insident: 4 nəfər saxlanıldı
Aprelin 3-də saat 19.30 radələrində Binəqədi rayonu, Binəqədi qəsəbəsində yerləşən kafelərin birində ailə münaqişəsi zəminində mübahisə yaranıb.
Bakı şəhər Baş Polis İdarəsindən Azvision.az -a verilən məlumata görə, Biləcəri qəsəbəsində yaşayan Elmar Quliyev həyat yoldaşının ailə-məişət münasibətlərinin pozulması zəminində ata evinə qayıtması məsələsinə aydınlıq gətirilməsi üçün E.Quliyevi və onun yaxınlarını qayınatası, Vəli Nəbiyev kafeyə dəvət edib.

Görüş zamanı tərəflər arasında qarşılıqlı mübahisə yaranıb. E.Quliyevin atası Elnur Quliyev üzərində olan “Ekolbotan” markalı, pnevmatik idman (səs) tapançası ilə atəş açıb.

Faktla bağlı Binəqədi RPİ-nin İstintaq şöbəsində CM-nin 221.3-cü maddəsi ilə cinayət işi başlanılaraq E.Quliyev, onun atası və dostu, eləcə də V.Nəbiyevin qardaşı, şübhəli şəxs qismində saxlanılaraq, hadisə zamanı istifadə olunmuş idman tapançası aşkarlanaraq götürülüb. Binəqədi RPİ-də istintaq davam etdirilir.

Azvision.az

Teqlər: BŞBPİ