“Qələbəmi Aprel şəhidlərinin ruhuna ithaf edirəm” - Hacı Əliyev

  09 Aprel 2019    Oxunub : 3433
 “Qələbəmi Aprel şəhidlərinin ruhuna ithaf edirəm” - Hacı Əliyev
Rumıniyanın paytaxtı Buxarestdə keçirilən qitə birinciliyində 65 kq-da çıxış edən sərbəst güləşçimiz ardıcıl olaraq Belarus, Ermənistan, Rusiya, Moldova və Türkiyə güləşçilərinə qalib gələrək titulunu qoruyub.
Azvision.az xəbər verir ki, yarış başa çatdıqdan sonra Hacı Əliyev Azərbaycan Güləş Federasiyasının rəsmi saytına qələbə təəssüratlarını bölüşüb:

“Gördüyünüz kimi çox çətin səbətə düşmüşdüm. Finala qədər güclü rəqiblərlə qarşılaşdım. Bununla belə, titulumu qoruya bildim. Yarış mənim üçün ağır keçdi. Növbəti dəfə Avropa çempionu olduğum üçün şadam. Qələbəmi aprel şəhidlərinin ruhuna ithaf edirəm. Düzdür, bu, onları geri qaytarmayacaq. Ancaq ümid edirəm ki, bununla az da olsa, ruhlarını şad etmiş olaram”.

İdmançı yavaş-yavaş formasının zirvəsinə çatdığını bildirib: “Ancaq dayanmaq olmaz. Daha da artırmaq lazımdır. Çünki bizi çox güclü dünya çempionatı gözləyir. Ona çox yaxşı hazırlaşmalıyıq”.

Azvision.az

Teqlər: Hacı-Əliyev