96 məhkəmə orqanı “ASAN ödəniş”ə inteqrasiya edilib
Bakı şəhəri və rayon məhkəmələrinə, inzibati-iqtisadi, ağır cinayətlər, apellyasiya məhkəmələrinə, həmçinin Ali Məhkəməyə müraciətlər zamanı dövlət rüsumlarının ödənilməsinin çoxfunksiyalı “ASAN ödəniş” sistemi vasitəsilə həyata keçirilməsi istiqamətində işlər müvəffəqiyyətlə başa çatdırılıb. “ASAN ödəniş” sistemi Azərbaycan Respublikası Prezidentinin 2014-cü il 11 fevral tarixli 110 nömrəli Fərmanına əsasən yaradılıb.
Hazırda 30 mərkəzi icra hakimiyyəti, 79 yerli icra hakimiyyəti, 96 məhkəmə orqanı, 7 publik hüquqi şəxs və dövlətə məxsus 7 hüquqi şəxs olmaqla, 219 dövlət qurumunun cərimə, vergi, rüsum, kommunal, lizinq, kredit, xidmət haqqı və digər istiqamətlərdə 442-dən artıq xidmət üzrə ödənişləri “ASAN ödəniş” sistemi vasitəsilə həyata keçirilə bilər.
Müvafiq ödənişləri www.asanpay.az ödəniş portalı, mobil tətbiqləri və terminalları, "Elektron hökumət" portalı eləcə də, sistemə qoşulmuş 10 000-dən artıq ödəniş terminalları, respublika ərazisində fəaliyyət göstərən ən qabaqcıl ödəmə portalları, internet və mobil bankçılıq xidmətləri vasitəsilə nağd və ya nağdsız qaydada həyata keçirmək mümkündür.
Azvision.az
Teqlər: ASAN-ödəniş