Mehriban Əliyeva 12 yaşlı qıza kömək etdi - VİDEO

  27 Aprel 2019    Oxunub : 8058
 Mehriban Əliyeva 12 yaşlı qıza kömək etdi - VİDEO
Bir müddət əvvəl 12 yaşlı Leyla Nəsibova məhkəmə qərarı əsasında ailəsi ilə birlikdə evdən çıxarılmamasına kömək edilməsi üçün sosial şəbəkə vasitəsilə Azərbaycanın Birinci vitse-prezidenti Mehriban Əliyevaya müraciət etmişdi.
Azvision.az -ın məlumatına görə, Mehriban Əliyeva onun müraciətinə müsbət cavab verib. Belə ki, ilkin mərhələdə köməklik göstərilib, balaca Leyla və ailəsi evdən çıxarılmayıb.

Bununla bağlı Leyla Nəsibova video-müraciət yayaraq, göstərdiyi köməyə görə Birinci vitse-prezidentə təşəkkür edib.

12 yaşlı Leyla, həmçinin bildirib ki, video-müraciətdən sonra Heydər Əliyev Fondunun təsis etdiyi "Regional İnkişaf" İctimai Birliyinin (RİİB) nümayəndələri onunla görüşüb və ailəsinin problemləri ilə yaxından maraqlanıblar.



Azvision.az

Teqlər: Mehriban-Əliyeva   RİİB   Heydər-Əliyev-Fondu