“Maaş və pensiyaların artırılması nəzərdə tutulur” - İlham Əliyev

  30 Aprel 2019    Oxunub : 5191
 “Maaş və pensiyaların artırılması nəzərdə tutulur” - İlham Əliyev
"Bundan sonra da minimum əməkhaqqı, minimum pensiya və digər sosial müavinətlərin artırılması nəzərdə tutulur"
Azvision.az xəbər verir ki, bunu Azərbaycan Prezidenti İlham Əliyev Nazirlər Kabinetinin 2019-cu ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında yekun nitqində deyib.

Dövlətimizin başçısı qeyd edib ki, bu il maaşlar, pensiyalar artırıldı və bu proses davam etdiriləcək: “Mən bildirmişəm, biz bu məsələni daim diqqətdə saxlayırıq. Qeyd etdim ki, son 15 il ərzində maaşlar və pensiyalar dəfələrlə artıb. Ancaq bu, bizi tam qane edə bilməz".

Prezident İlham Əliyev vurğulayıb ki, ona görə, bundan sonra da minimum əməkhaqqı, minimum pensiya və digər sosial müavinətlərin artırılması nəzərdə tutulur: "İmkan daxilində biz bunu edəcəyik. Bu sahədə öz siyasətimizi ardıcıl şəkildə aparacağıq".

Azvision.az

Teqlər: Prezident   İlham-Əliyev