“Azərbaycanda uğurlu xarici siyasət yürüdülür” - Aİ rəsmisi

  03 May 2019    Oxunub : 1109
 “Azərbaycanda uğurlu xarici siyasət yürüdülür” - Aİ rəsmisi
"Avropa müntəzəm şəkildə inkişaf edir. Qlobal çağırışlar dünyada bir arada işləmək üçün çox vacibdir. Azərbaycanda uğurlu xarici siyasət yürüdülür".
Azvision.az xəbər verir ki, bunu Avropa İttifaqının Azərbaycandakı nümayəndəliyinin rəhbəri Kestutis Yankauskas V Ümümdünya Mədəniyyətlərarası Dialoq Forumu çərçivəsində keçirilən "BMT sistemində sülh naminə çoxtərəflilik və diplomatiyanın gücləndirilməsi" sessiyasında çıxışı zamanı deyib.

Aİ rəsmisi bildirib ki, Avropa İttifaqı təhlükəsizlik sahəsində bir çox missiyalar həyata keçirir: "Bizim qurum təsis olunduqdan sonra ən böyük sülh dövrünü yaşayıb. Buna səbəb müxtəlif dövlətlərin bir-birinə olan maraqlarıdır və bu da bizim üçün vacibdir. Çünki bu, münaqişəni mümkünsüz edir".

Yankauskas Şərq tərəfdaşlağı proqramının 10 illiyinin qeyd olunacağını diqqətə çatdırıb: "Azərbaycan da bu proqramın üzvüdür. Biz bilirik ki, təhlüksəzilik, müstəqillik və ərazi bütövlüyü partnyorlarımız üçün önəmlidir. Avropa İttifaqı qloballaşan dünyda bir arada işləməyi təklif edir".

Aytən Zəhra
Azvision.az

Teqlər: