Bu gün Azərbaycanda “Son zəng”dir

  14 İyun 2019    Oxunub : 988
 Bu gün Azərbaycanda “Son zəng”dir
Bu gün Azərbaycanın ümumtəhsil məktəblərində “Son zəng” çalınacaq.

Azvision.az xəbər verir ki, cari tədris ilində ölkənin ümumtəhsil məktəblərinin IX siniflərini 113 815, XI siniflərini 80 514, qiyabi (axşam) ümumtəhsil məktəblərinin XII siniflərini isə 674 şagird bitirəcək.
Bakı Şəhəri üzrə Təhsil İdarəsinin tabeliyindəki ümumi təhsil məktəblərinin IX siniflərini 28 993, XI siniflərini 19 786 nəfər bitirəcək. 45 616 nəfər isə I sinfi başa vuracaq.

Yeni tədris ilində ümumtəhsil məktəblərinin I siniflərinə 164 234 uşağın qəbulu proqnozlaşdırılır. Onlardan 77 542-si qız, 86 692 nəfəri isə oğlandır.

Qeyd edək ki, təhsil naziri Ceyhun Bayramovun imzaladığı əmrə əsasən, "Son zəng" tədbirləri iyunun 14-də hər bir təhsil müəssisəsinin ərazisində təşkil olunacaq.

Azvision.az

Teqlər: Məktəb   Son-Zəng