Pensiyaların artırılmasına dair qanun layihəsi qəbul olundu - VİDEO

  27 İyun 2019    Oxunub : 2292
Pensiyaların artırılmasına dair qanun layihəsi qəbul olundu - VİDEO
Azərbaycanda əmək pensiyalarının artırılması üçün qanunvericiliyə dəyişiklik edilib.
Azvision.az xəbər verir ki, Milli Məclisin bu gün keçirilən plenar iclasında “Əmək pensiyaları haqqında” qanuna dəyişiklik layihəsi müzakirəyə çıxarılıb. Dəyişiklik əmək pensiyalarının minimum məbləğinin artırılması ilə bağlıdır.

Prezident İlham Əliyevin qanunvericilik təşəbbüsü ilə parlamentə göndərdiyi layihəyə əsasən, qanunun 6-1-ci maddəsinin (Əmək pensiyasının minimum məbləği) mətni yeni redaksiyada verilir:

“Əmək pensiyasının minimum məbləği 2019-cu il 1 oktyabr tarixindən 200 manat məbləğində müəyyən olunur. Təyin edilən əmək pensiyasının məbləği əmək pensiyasının minimum məbləğindən aşağı olduqda, həmin məbləğə çatdırılmaqla ödənilir”.

Layihə müzakirələrdən sonra səsverməyə çıxarılaraq qəbul edilib.



Anar Kəlbiyev
Azvision.az

Teqlər: Milli-Məclis   Qanun   Pensiya