Binəqədidə kafedə partlayış olub

  29 İyun 2019    Oxunub : 1507
Binəqədidə kafedə partlayış olub
Binəqədi rayonunda ümumi sahəsi 120 kvadratmetr olan kafenin mətbəxində həcmi 50 litr olan maye qaz balonunda yanğınla nəticələnən partlayış baş verib.
Azvision.az Fövqəladə Hallar Nazirliyinə (FHN) istinadən xəbər verir ki, yanğın nəticəsində mətbəx və içərisindəki əşyalar 30 kvadratmetr sahədə yanıb. Yüksək temperaturdan kafenin lambirindən ibarət tavanının 50 kvadratmetrlik hissəsi əriyib.

Kafenin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb. Hadisə ilə bağlı müvafiq qurumlar tərəfindən araşdırma aparılır.

Azvision.az

Teqlər: FHN   Partlayış   Kafe