"Dağlıq-Qarabağ münaqişəsi siyasi yolla öz həllini tapmalıdır"- Donald Tusk

 "Dağlıq-Qarabağ münaqişəsi siyasi yolla öz həllini tapmalıdır"-    Donald Tusk
  09 İyul 2019    Oxunub:2678
Dağlıq-Qarabağ münaqişəsi hərbi yolla yox, yalnız beynəlxalq hüququn prinsipləri əsasında siyasi yolla öz həllini tapmalıdır.
Azvision.az -ın məlumatına görə, bunu Avropa İttifaqı Şurasının Prezidenti Donald Tusk Prezident İlham Əliyevlə mətbuata bəyanatla çıxışı zamanı deyib.

Aİ Şrasının Prezidenti deyib: "Regionda sabitliyə istinad edərək biz, həmçinin həll olunmamış Dağlıq-Qarabağ münaqişəsini də müzakirə etdik. Bu münaqişə hərbi yolla yox, yalnız beynəlxalq hüququn prinsipləri əsasında siyasi yolla öz həllini tapmalıdır. Avropa İttifaqı Minsk qrupu həmsədrlərinin səylərini və Helsinki Yekun Aktının əsas prinsipləri əsasında diqqətin münaqişənin ədalətli və davamlı həllinə yönəlməsini tamamilə dəstəkləyir.

Biz ümumilikdə gərginliyin azalmasını yüksək dəyərləndiririk, lakin təmas xətti boyunca son itkilər həmsədrlər kimi bizi də narahat edir. Güc tətbiq etməmək üçün təmkinli olmaq önəmlidir, lakin, eyni zamanda, sülhə və səmərəli danışıqların aparılmasına imkan verən ab-havanın bərpasına yönəlmiş tədbirlər də mühüm əhəmiyyət kəsb edir. Avropa İttifaqı artıq sülhün qurulmasına yönəlmiş fəaliyyətləri dəstəkləyir və xalqları sülhə hazırlamaq üçün konkret tədbirlərlə kömək etməyə hazırdır".

Azvision.az



Teqlər: DonaldTusk   DağlıqQarabağ   Münaqişə  





Xəbər lenti