İlham Əliyev: “Cəmiyyətimizdə təbəqələşmə, kasıblar olmamalıdır”
“Qobu-1”, “Qobu-2” və bu gün tikilməkdə olan “Qobu-3” yaşayış komplekslərinin 100 faiz özəl sektorun hesabına salındığını bildirən dövlətimizin başçısı deyib: “Mən bu fürsətdən istifadə edərək, bütün Azərbaycan şirkətlərinə, - kimin böyük imkanı var, kimin o qədər də böyük imkanı yoxdur, - deyirəm ki, həmrəylik göstərməlidirlər, sosial məsuliyyət daşımalıdırlar. Bizim cəmiyyətimizdə qeyri-bərabərlik, təbəqələşmə, kasıblar olmamalıdır. Yoxsulluqla bağlı mübarizə indi görün, nə qədər gözəl nəticə verir. Bütün aparıcı beynəlxalq maliyyə qurumları bunu qeyd edir. Azərbaycanda yoxsulluq 5 faiz səviyyəsindədir, o da olmamalıdır. Amma biz bilirik ki, bəzi inkişaf etmiş ölkələrdə yoxsulluğun səviyyəsi 10-15 faizdir. Yəni, bu, sadəcə olaraq, necə deyərlər, müqayisə üçün səslənən rəqəmdir”.
Özəl sektora dövlətin böyük kömək göstərdiyini, kreditlər verdiyini, şərait yaratdığını, infrastruktur layihələrini icra etdiyini vurğulayan Prezident İlham Əliyev sahibkarları məcburi köçkünlərin mənzillə təmin olunması işinə daha fəal qoşulmağa çağırıb.
Azvision.az
Teqlər: Prezident İlham-Əliyev Sahibkar