Bu barədə Azvision.az -a Sudanın Bakıdakı fövqəladə və səlahiyyətli səfiri Abbas Mustafa Əhməd Abdallay məlumat verib. Onun sözlərinə görə, Sudan lideri oktyabrın 25-26-da Bakıda Qoşulmama Hərəkatının 18-ci Zirvə toplantısında iştirak edəcək.
Əbdül Fəttah əl-Burhanın həmçinin bir sıra ikitərəfli görüşləri planlaşdırılır.
Qeyd edək ki, Sudanın Hərbi Şurasının başçısı general-leytenant əl-Burhan bu ilin avqust ayından ölkənin yeni formalaşdırılmış idarəçi Suveren Şurasının rəhbəri vəzifəsini icra etməyə başlayıb.
Suveren Şura ölkəni üç il müddətinə idarə edəcək. Əl-Burhan 18 ay Suveren Şuraya rəhbərlik edəcək. Daha sonra idarəetmə funksiyaları mülki təmsilçiyə həvalə olunacaq.
Xatırladaq ki, Zirvə toplantısında beynəlxalq təşkilata sədrlik Azərbaycana keçəcək. Azərbaycan qarşıdakı 3 il (2019-2022-ci illər) ərzində bu beynəlxalq quruma rəhbərlik edəcək. Hazırda quruma Venesuela sədrlik edir.
P.Sultanova
Azvision.az
Sudanın Suveren Şurasının rəhbəri Azərbaycana gəlir
09 Oktyabr 2019
Oxunub:2501
Sudan Respublikasının idarəçi Suveren Şurasının rəhbəri Əbdül Fəttah əl-Burhan Azərbaycana səfər edəcək.
Teqlər:
Vaxtında, Aydın, Lazımlı!
-1708596417.jpg&h=200&w=200&zc=2&q=70)
