Bağdadi özünü və 3 uşağını partladaraq öldürüb - Təfərrüat
ABŞ Prezidenti Donald Tramp İŞİD terror təşkilatının lideri Əbubəkir Əl-Bağdadinin ölümü ilə bağlı təfərrüatları açıqlayıb.
Trampın sözlərinə görə, Bağdadi bir həftə boyunda izlənilib və onun yeri müəyyən edilib. ABŞ prezidenti bildirib ki, dünən baş tutan əməliyat zamanı Türkiyə, Rusiya, Suriya və İraqla məlumat mübadiləsi aparılıb.
Əməliyyatın detallarına gəlincə, Tramp qeyd edib: “Bağdadi qaçaraq tunelə girib. O, yol boyu ağlayırdı. Təqib olduğunu görən Bağdadi üzərindəki partlayıcı quruğunu işə salaraq özünü partladıb. DNK nəticələri ölən şəxsin Bağdadi olduğunu təsdiqləyir”.
Trampın dediyinə görə, İŞİD rəhbəri tunelə qaçarkən 3 azyaşlı uşağını da özü ilə aparıb. Nəticədə onlar da ölüblər.
Azvision.az