Azərbaycanın Tacikistandakı səfiri Həsən Məmmədzadə öz iqamətgahında diplomatik korpus nümayəndələrini və jurnalistləri qonaq edib.
Azvision.az xəbər verir ki, bu barədə səfir özü “Facebook” səhifəsində məlumat paylaşıb. Diplomat yeməklərin hazırlıq prosesində özü də iştirak edib.
“Diplomat hər formada və şəraitdə ölkəsini təmsil etməlidir. Qonaqları öz iqamətgahında qəbul etdiyin zaman bəzən aşpazlıq da etməli olursan. Azərbaycan mətbəxinin nümünələri 60-dan cox diplomatik korpusun nümayəndələrinə və yerli jurnalistlərə təqdim edilib”, - deyə H.Məmmədzadə yazıb.