“Bizim Qarabağla bağlı konkret həll yolumuz yoxdur” - Paşinyan

  04 Noyabr 2019    Oxunub : 10002
 “Bizim Qarabağla bağlı konkret həll yolumuz yoxdur” - Paşinyan
Son bir il yarım ərzində Ermənistan-Azərbaycan sərhədində və təmas xəttində gərginlik azalıb.

Azvision.az “Sputnik-Ermənistan”a istinadən xəbər verir ki, bu barədə Paşinyan “Facebook”da canlı yayım zamanı deyib.

"Bildirmək istəyirəm ki, son bir il yarım ərzində sərhəddə gərginlik azalıb. Lakin bu, ümumiyyətlə gərginliyin olmaması demək deyil. Bu, mövcuddur və davam edir", - Paşinyan söyləyib.
O, əlavə edib ki, Azərbaycan Prezidenti İlham Əliyevlə 2018-ci ildə Düşənbədə keçirilən görüşdən sonra cəbhədə gərginlik azalıb.

“Lakin, mövcud vəziyyət Dağlıq Qarabağ münaqişəsinin həllinin tapılması anlamına gəlmir. Bizim hələlik Qarabağ probleminin nizamlanmasında konkret həll yolumuz yoxdur" - deyə Paşinyan vurğulayıb.

Pərvanə Sultanova
Azvision.az

Teqlər: Ermənistan   Paşinyan   Qarabağ