Bu gündən istilik sisteminin verilməsinə başlanılıb

  Bu gündən istilik sisteminin verilməsinə başlanılıb
  15 Noyabr 2019    Oxunub:2270
Bu gündən ölkə ərazisində “Azəristiliktəchizat” ASC tərəfindən qurumun tabeliyində olan bütün obyektlərə istiliyin verilməsinə başlanılıb.

Azvision.az xəbər verir ki, Azərbaycanda istilik sistemi ilə təchizat beş ay nəzərdə tutulub. Belə ki, istilik mövsümü respublikanın dağ və dağətəyi rayonlarında noyabrın 1-dən, digər ərazilərdə, Bakı şəhərində isə noyabrın 15-dən başlayır, aprelin 15-də başa çatır.
“Azəristiliktəchizat” ASC-nin məlumatına əsasən, bu mövsümdə 600-ə yaxın qazanxana istifadə ediləcək. 3 850 yaşayış binası, 190 minə yaxın mənzil, 290 məktəb, 150 uşaq bağçası, 160 səhiyyə obyekti və 1600-ə yaxın digər sosial obyekt istiliklə təmin olunacaq.

Anar Kəlbiyev
Azvision.az



Teqlər: İstilik   Sistem  





Xəbər lenti