Oktay Gülalıyev “Amerika xəstəxanası”na köçürülüb

  19 Noyabr 2019    Oxunub : 1226
Oktay Gülalıyev “Amerika xəstəxanası”na köçürülüb
Hüquq müdafiəçisi Oktay Gülalıyev Türkiyənin İstanbul şəhərində fəaliyyət göstərən "Amerika xəstəxanası"na köçürülüb.
Azvision.az xəbər verir ki, bu barədə onun oğlu Təbriz Gülalıyev özünün "Facebook" səhifəsində yazıb:

"Az öncə atam Oktay Gülalıyev İstanbulda yerləşən "Amerika xəstəxanası"na köçürüldü. Həkimlər köçürülməsində heç bir təhlükə olmayacağını deyiblər".

Xatırladaq ki, Oktay Gülalıyev oktyabrın 29-u saat 17:20 radələrində 28 May küçəsi ilə Puşkin küçələrinin kəsişməsində taksi fəaliyyəti ilə məşğul olan sürücü Kənan Abdullayevin idarə etdiyi “Hyundai Accent” markalı avtomobillə yolu keçən zaman vurulub. Oktyabrın 30-da "City Hospital"da O.Gülalıyev cərrahi əməliyyat olunub. O, daha sonra Türkiyəyə yola salınıb.

Heydər Əliyev Fondu hüquq müdafiəçisinin müalicəsini öz üzərinə götürüb. Heydər Əliyev Fondunun prezidenti, Birinci vitse-prezident Mehriban Əliyevanın tapşırığı ilə Fond Oktay Gülalıyevin müalicəsi ilə bağlı məsələlərin həlli ilə məşğul olur.

Azvision.az

Teqlər: OktayGülalıyev