“Tibbi sığorta haqqında” qanuna 126 dəyişiklik ediləcək

  25 Noyabr 2019    Oxunub : 1006
 “Tibbi sığorta haqqında” qanuna 126 dəyişiklik ediləcək
Milli Məclisdə “Tibbi sığorta haqqında” qanuna dəyişiklik layihəsi birinci oxunuşda müzakirəyə çıxarılıb.
Azvision.az xəbər verir ki, dəyişikliklər barədə məlumat verən Səhiyyə komitəsinin sədri Əhliman Əmiraslanov 2020-ci ilin yanvar ayının 1-dən ölkədə icbari tibbi sığortanın bütövlükdə həyata keçirilməsini real hesab edib.

Komitə sədri əlavə edib ki, ölkə üzrə icbari tibbi sığortanın tədbiqi mövcud qanunvericilik bazasının təkmilləşdirilməsini tələb edirdi: “Çünki “Tibbi sığorta haqqında” qanun 20 il bundan əvvəl qəbul edilmişdi. Bu sahədə illər ərzində bir çox inkişaf olduğuna görə qanunvericilik bazasına 8 maddadə 126 dəyişiklik və əlavə təklif olunub”.

O qeyd edib ki, layihə konseptual baxımdan I oxunuşda qəbul üçün uyğundur: “Vətəndaşların tibbi xidmətlərə əlçatanlığını təmin edəcək”.

Anar Kəlbiyev
Azvision.az

Teqlər: ƏhlimanƏmiraslanov