Dekabrın 6-da ölkədə 650 min ağac əkiləcək

  28 Noyabr 2019    Oxunub : 1284
Dekabrın 6-da ölkədə 650 min ağac əkiləcək
Nəsimi ili ilə əlaqədar Azərbaycanda bir gündə 650 min ağacın əkilməsi kampaniyası dekabrın 6-da gerçəkləşəcək.
Azvision.az xəbər verir ki, bunu Ekologiya və Təbii Sərvətlər Nazirliyinin mətbuat katibi İradə İbrahimova deyib.

Onun sözlərinə görə, Azərbaycan Respublikasının Birinci vitse-prezidenti Mehriban Əliyevanın mütəfəkkir şair İmadəddin Nəsiminin 650 illik yubileyi ilə əlaqədar bir gündə 650 min ağacın əkilməsi təşəbbüsü çərçivəsində ölkəmizin bütün regionlarında eyni anda ağac əkilməsinə start veriləcək.

“Təbiətə öz töhfəni ver” devizi altında keçiriləcək kampaniya çərçivəsində ölkəmizdə bu vaxta qədər baş verməmiş hadisə reallaşacaq, bir gündə 650 min ağac əkiləcək”, - deyə nazirliyin rəsmisi bildirib.

Aytən Zəhra
Azvision.az

Teqlər: Ağac