Əlyazmalar İnstitutu müsabiqə elan edib

  03 Dekabr 2019    Oxunub : 1208
Əlyazmalar İnstitutu müsabiqə elan edib
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu vakant vəzifələri tutmaq üçün müsabiqə elan edib.
İnstitutdan Azvision.az -a bildiriblər ki, Türkdilli əlyazmaların tədqiqi şöbəsində baş elmi işçi 1 yer, Əlyazmaların və əski çap kitabların tərcüməsi şöbəsində baş elmi işçi 1 yer, Multidissiplinar əlyazmaların tədqiqi şöbəsində baş elmi işçi 1 yer vəzifələri vakant yerlərdir.

Müsabiqədə uyğun ixtisaslar üzrə ali təhsili olan və mühüm elmi tədqiqatlar aparan, müvafiq elm sahələri üzrə elmlər doktoru alimlik dərəcəsi olan və elmi nəticələri nüfuzlu jurnallarda dərc edilən, sahə üzrə iş təcrübəsi olan ixtisaslı mütəxəssislər iştirak edə bilərlər.

Sənədlər müsabiqənin tələblərinə uyğun olaraq, bu gündən etibarən 1 ay müddətində aşağıdakı ünvana təqdim edilməlidir.

Ünvan: Bakı şəhəri, İstiqlaliyyət küçəsi 26, II mərtəbə, 30-cu otaq. Kadrlar şöbəsi. Telefon: (+99412) 505 68 93.

Azvision.az

Teqlər: Müsabiqə