Bu gündən parlament seçkilərində sənədlərin təqdim edilməsinə başlanılır

  21 Dekabr 2019    Oxunub : 2031
Bu gündən parlament seçkilərində sənədlərin təqdim edilməsinə başlanılır
Bu gündən etibarən növbədənkənar parlament seçkilərində nаmizədlərin qeydə alınması üçün zəruri olan seçki sənədlərinin dairə seçki komissiyasına təqdim edilməsinə başlanılır.
Azvision.az xəbər verir ki, “Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı”na əsasən, seçki sənədlərini namizəd və ya onun səlahiyyətli nümayəndəsi, siyasi partiyanın, siyasi partiyalar blokunun səlahiyyətli nümayəndəsi 2019-cu il dekabrın 21-dən 2020-ci il yanvarın 10-u saat 18:00-dək təqdim edə bilər.

Seçki sənədlərinin dairə seçki komissiyasına təqdim edilməsi səsvermə gününə ən çoxu 50 və ən аzı 30 gün qalmış saat 18:00-dək davam edəcək.

Qeyd edək ki, Azərbaycanda növbədənkənar parlament seçkiləri 2020-ci il fevralın 9-da keçiriləcək.

Elvin Abdulqədirov
Azvision.az

Teqlər: Seçki   Parlament   MSK   Deputat