Gömrükdə qızıldan hazırlanan pul sikkələri aşkarlanıb

Gömrükdə qızıldan hazırlanan pul sikkələri aşkarlanıb
  28 Dekabr 2019    Oxunub:2309
Hava Nəqliyyatında Baş Gömrük İdarəsinin əməkdaşları qızıldan hazırlanan pul sikkələrinin Azərbaycanın gömrük sərhədindən bəyan etmədən keçirmə cəhdinin qarşısını alıblar.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən Azvision.az -a bildirilib ki, Dubay-Bakı aviareysi ilə gələn Azərbaycan vətəndaşı aparatdan keçərkən üzərində gömrüyə bəyan olunası əşyaların olması barədə gömrük əməkdaşında şübhə yaranıb və ona ayaq nahiyəsində olan əşyanı təqdim etməsi təklif edilib. Bu zaman hər iki ayağında olan corabın içərisindəki 2 ədəd bükümdə ön tərəfində “Elizabeth II Australia 100 dollars” sözləri, arxa tərəfində isə “Australian Kangaroo 2019 1oz 9999 gold” sözləri həkk olunan, gömrük nəzarətindən gizlədilən, 20 ədəd ümumi çəkisi 622,15 qram olan qızıl sikkə aşkarlanıb.

Faktla bağlı araşdırma aparılır.

Azvision.az



Teqlər: Gömrük  





Xəbər lenti


Azvision.az ©2014 | Bütün hüquqları qorunur